Xüsusilə qış aylarının gəlişi ilə saçlarımızı qurudarkən fenlərdən diqqətli istifadə edilməlidir.
Yaş saçlarla soyuq havaya çıxmamaq üçün saçlarımızı qurudarkən yanlış fen istifadəsi ilə saçlarımıza faydadan çox zərər verə bilərik. Fen və saç ütüsündən istifadə edərkən saçlar fenlə birbaşa təmas etmədən dəsmal ilə yaxşıca qurulanmalıdır. Sağlamlığımız üçün saçlarımızı düzgün qurutmalı, nəm qoymamağa diqqət etməliyik. Saçlarımızı düzgün qurutmamız üçün düzgün və təmiz yuyulmasına, boyalı saçların kremlənməsinə, düzgün daraq ilə daranmasına diqqət yetirməliyik. Xüsusilə vaxta qənaət etmək üçün saçlarımızı tez qurutmamalı, eyni zamanda feni yüksək sürətlə istifadə etmədən, 45° bucaq altında, saçımızdan ən az 20-30 sm məsafədə tutmalıyıq ki, qurutma zamanı saçımız, baş dərimiz zədələnməsin. Saçımız sıx və qalındırsa, tez quruda bilmiriksə fen bir neçə dəqiqəlik fasilələrlə istifadə olunmalıdır.
— Saç fenləri saçınızın eyni yerində uzun müddət qalmamasına özən göstərin.
— Saç fenlərini birbaşa baş dərinizə yönəltməyin, onu çox qızdırmamağa diqqət edin.
Fen istifadə edərkən edilən 15 səhv
1- Saçların yalnız isti hava ilə qurudulması
Saçınızı qurudarkən soyuq hava xüsusiyyətindən də istifadə edərək saçlarınızı nəm saxlaya bilərsiniz. Bu, saçınızı daha asan şəkildə formaya salmağa kömək edəcək.
2- Yanlış istiqamətdən hava axınının təmin edilməsi
Saçınızı kökdən uca qədər qurutmaq daha yaxşıdır. Əks halda saç feni baş dərinizə ziyan verəcək və saçlarınızın dolaşmasına səbəb olacaq.
3- Saç fenlərinin yanlış şəkildə tutulması
Saç fenin qələm tutan əlinizlə tutmağa alışmış ola bilərsiniz. Amma əslində bu əlinizlə saçınıza forma verməli, digər əlinizlə isə feni tutmalısınız. Çünki saçlarınızı güclü əlinizlə formalaşdırmaq daha məntiqlidir.
4- Saçları aşağıya çəkmək
Saçınızı qurudarkən və ya darayarkən aşağı dartsanız, onların həcmli olmasının qarşısını almış olarsınız. Bunun əvəzinə saçınızı ucundan kökünə qədər darayarkən feni saçınıza tərəf saxlayın. Bu sayədə saçlarınız daha həcmli və canlı görünəcək.
5- Feni başınıza çox yaxın saxlamaq
Saç fenlərini saçınıza çox yaxın tutsanız, saçınızı qırarsınız. Baş dərinizdə də yanma ola bilər. Başınızla fen arasında tövsiyə olunan məsafə təxminən 30 sm-dir.
6- Saçları hissələrə ayırmamaq
Çox vaxt fendən istifadə edərkən saçımızı hissələrə bölmədən sadəcə irəli-geri hərəkət etdirərək qurutmağa çalışırıq. Əksinə, saçları 4-5 yerə bölmək qurutma prosesini sürətləndirir. Saçınızı şaquli (alnınızdan boynunuza qədər) və üfüqi (iki qulağınız arasında) iki xəyali xəttlə dördə bölmənizi tövsiyə edirik.
7- Saçların dəsmala sarılı çox uzun tutulması
Saçınızı dəsmalla sarılmış halda 30 dəqiqədən çox saxlamamalısınız. Bunun səbəbi, dəsmalın parçasının saçınıza sürtülməsidir ki, buda saçınızı həssas edir və fenləmə zamanı qırılmağa daha meyilli olur.
8- Saçları istidən qorumamaq
Saçınızı həftədə bir və ya daha çox qurudursanız, istidən qorunmağa kömək edən məhsullardan istifadə etməyi məsləhət görürük. Saçınıza uyğun məhsullar seçərkən, quru saçlarınız varsa tərkibində spirt olan məhsullardan uzaq durmağınızı tövsiyə edirik. Eyni şəkildə yağlı və ya normal saçlarınız varsa, yağlı məhsullardan uzaq durmalısınız.
9- Saç feninin başlığına fikir verməmək
Saçınızı fenin dar başlığı ilə qurutmalısınız. Bu ucdan istifadə saçlarınızın dolaşıq olmasının, uclarının qırılmasının qarşısını alacaq. Həm də saçlarınızın həddindən artıq istiləşməsinin qarşısını alır. Bundan əlavə, saçınızın kökünü birbaşa bu qapaq ilə qurutmaq saçlarınızın daha həcmli görünməsini təmin edir.
10- Fen istifadəsindən sonra çölə çıxmaq
Saçınızı qurutduqdan sonra dərhal çölə çıxmamalısınız. Çünki temperaturun qəfil dəyişməsi həm saçlarınızı, həm də baş dərinizi zədələyir.
11- Saçları həcmləndirici ilə qurutmağa başlamaq
Saçlarınızı bu şəkildə qurutmağa başlamaq saçlarınızın uclarının daha tez qırılmasına, saçlarınızın dolaşmasına səbəb olacaq. Buna görə də, aşağı temperaturda dar bir başlıqla qurutmağa başlamaq daha məntiqli olardı. Bir az quruduqdan sonra fen üçün həcmləndirici qapağı taxa bilərsiniz.
12- Fen başlığının hazırlandığı materiala fikir verməmək
Başlıqlar metal, keramika və ya plastik ola bilər. Keramika və ya plastik qapaqlardan istifadə etmək saçlarınızı formaya salmağı asanlaşdırır, metal qapaqlar isə tez qıza və saçınıza zərər verə bilər.
13- Saç fenlərini təmizləməmək
Saç qurutma fenlərimizdə yığılan kir təkcə fen üçün deyil, saçınıza da zərər verir. Hava dəliklərində toplanan toz, kir hava axınını ləngidir, bu da fenin içərisində havanın temperaturunun artmasına səbəb olur. Nəticədə fen xarab olur. Buna görə saç fenlərimiz təmizləmək çox vacibdir. Feni həftədə bir dəfə istifadə edirsinizsə ayda bir dəfə, daha çox istifadə edirsinizsə iki həftədə bir dəfə təmizləməniz tövsiyə olunur.
14- Saçların ən yüksək temperaturda qurudulması
Bu edilən ən əsas səhvlərdən biridir. Saçınızı bu şəkildə qurutmaq saçlarınızın çox qurumasına, asanlıqla kövrək olmasına səbəb olacaq. Yüksək temperaturdan yalnız xüsusi hallarda istifadə etməyi məsləhət görürük. Məsələn, saçınız qıvrımdırsa və düzəltmək çətindirsə yüksək istilikdən istifadə edə bilərsiniz, lakin digər vaxtlarda orta istilikdən istifadə etməlisiniz.
15- Saç Fenlərini sabit saxlamaq
Fenin bucağını dəyişdirmək, onu sağa-sola, irəli-geri hərəkət etdirərək saçlarınıza forma verməyi asanlaşdırır. Həmçinin saçlarınızı daha qısa müddətdə qurutmağa imkan verir.
Saç Fenləri
