Saç baxımı üçün gözəlik salonuna gedə bilərsiniz yaxud çox bahalı saç baxımı kosmetikası istifadə edə bilərsiniz, amma daha zövqlü və sərfəli bir yol var. Pəhrizinizə diqqət yetirərək, evdə təbii vasitələrlə edə biləcəyiniz saçlara qulluq rejimi yaratmaq.
Saçlara qulluq zamanı istifadə və diqqət edə biləcəyiniz üsullar :
Saçınızı Çox Qaynar Su ilə Yumayın
Baş dərisində əmələ gələn həddindən artıq yağ saç sağlamlığınız üçün pis ola bilər, ancaq baş dərimiz və saç tellərimiz bu yağa ehtiyac duyur. Bu yağı tamamilə yox etsəniz, çox tez qırılan, quru və mat görünən saçlara sahib olacaqsınız.Çox isti su ilə yusanız, baş dərisindəki bu yağ tamamilə yox olacaq. Bəlkə də 15 gündən bir isti suyla yumaq zərər verməz, amma həftədə 2-3 dəfə isti su ilə saçlarınızı şampunlasanız, bir müddət sonra saçlarınız quruyar.Saçınızı soyuq suyla yumağın isti sudan üstünlüyü saç dərisində qan dövranını artıraraq canlılıq verməsidir. Baş dərisindəki qan miqdarı artdıqca, saç kökündəki hüceyrələrə gedən oksigen miqdarı da artır. Nə qədər çox oksigen varsa, saçınızın sağlamlığı bir o qədər yaxşı olar.
Saçlarınızı Balla Masaj edin
Bal insanların şirin ehtiyaclarını ən təbii yolla qarşılayan güclü təsirə malik qidadır. Saçlarımıza olduğu kimi bədənimizə də çox faydalıdır. Balın tərkibindəki maddələr sayəsində baş dərisini düzəldir, saç dərisini daha güclü edir. Xüsusilə kəpək problemi, quru baş dərisi olanlar üçün unikal müalicəvi qidadır. Saçlara bal vurulduqda saçlara canlılıq verir, daha parlaq görünməsinə kömək edir. Balın tərkibindəki vitamin və minerallar sayəsində saçları nəmləndirir və qırılmalara qarşı güclü qoruyucu funksiyaya malikdir.
Saçın ehtiyac duyduğu nəm nisbətini təmin edərək baş dərisinin quruluğunu, kəpəyi azaldır. Bal həddindən artıq işlənmiş, boyanmış, fenlə qurudulmuş saçlar üçündə ideal həll təklifidir.
Saçlarınızı Badam Yağı ilə Nəmləndirin
Uçların tez-tez qırılması, bu qırıqların aradan qaldırılması saçların istədiyiniz müddətdə uzanmasına ən böyük maneələrdən biridir. Bunun qarşısını almaq üçün badam yağı ilə qulluq edə bilərsiniz.
Saçınıza mütəmadi olaraq badam yağı sürsəniz, saçınızı yumşaldar və üslubu asanlaşdırar. Bundan əlavə, yumşaldılmış saçlar qırılmaya qarşı daha davamlı olacağından, onları qısa müddət ərzində uclarından kəsmək lazım deyil və daha qısa müddətdə uzana bilər.
Saçlarınızı təbii şəkildə qurudun
Saç feni, daraq fen kimi alətlər tez-tez istifadə edildikdə saçları qurudur, qoparaq tökülməni artırır, ucların daha tez qırılmasına səbəb olur. Yuyunduqdan sonra evdə oturacaqsanız, saçlarınızı çox çırpmadan mümkün qədər dəsmal ilə qurudaraq təbii şəkildə qurumasına icazə verin. Heç vaxt saçınızı nəm olanda daramayın. Əgər saç feni istifadə edəcəksinizsə, heç olmasa onu ən soyuq şəraitdə istifadə etməyə çalışın. Bu, saçlarınızın qurumasının, qırılmasının qarşısını alacaq.
Saça Qulluq və Qidalanma
Dəriyə qulluqda olduğu kimi saçlara qulluqda da əsas qayda içəridən sağlam saçlardır. Yəni kənardan nə qədər baxsanız da, nə qədər saç qulluqu etsəniz də, düzgün qidalanmasanız, sonrakı illərdə saçlarınız mütləq sağlamlığını itirəcək. Bədənin ehtiyacı olan vitaminləri alaraq, daha az fast-food və konservləşdirilmiş qidalardan istifadə edərək, kifayət qədər su içməklə saçlarınıza ən böyük yaxşılıq edə bilərsiniz.
